Wednesday, November 11, 2009

ಭಾವ ತರಂಗಿಣಿ

ತಿಳಿಗತ್ತಲಲಿ ಸುಳಿಗಾಳಿಗೆ ಸಿಕ್ಕು
ತರುಗೆಲೆಯೊಂದು ಹಾರಿತ್ತು
ಮಲಗಿದ್ದ ಕೊಳಕ್ಕೆ ಮೆಲ್ಲನೆ ಮುತ್ತಿಕ್ಕೆ
ಅಲೆಯೊಂದು ಬೆದರಿತ್ತು

ಅದುರಿದಾ ಕೊಳದಲ್ಲಿ
ಚಂದಿರನು ಬೆಚ್ಚಿದ್ದ
ಮೆಲ್ಲನೆ ಹೊರಳಾಡಿ
ಮತ್ತದೋ ಮಲಗಿದ್ದ

ಆ ದೃಶ್ಯಕ್ಕೆ ಬೆರಗಾದೆ
ಕತ್ತಲಿಗೆ ಮರುಳಾದೆ

ಆ ಕೊಳದ ಬಳಿ
ಆ ಬಿದಿರು ಮೆಳೆ
ನನ್ನ ಭಾವವನ್ನೊಮ್ಮೆ ತೂಗಾಡಿತು

2 comments:

  1. ನಿಸರ್ಗದ ಯಾವುದೇ ಪುಟ್ಟ ಕ್ರಿಯೆಯೂ ಸೊಬಗನ್ನು ಬೀರಿ ನಮ್ಮಲ್ಲಿಯೂ ಸಹ ಭಾವತರಂಗವನ್ನು ಸ್ಫುರಿಸಬಹುದು. ನಿಮ್ಮ ಕವನ ಈ ವಿಷಯವನ್ನು ಸೊಗಸಾಗಿ ಅಭಿವ್ಯಕ್ತಿಸಿದೆ.

    ReplyDelete
  2. ಸುನಾಥ ಕಾಕಾ,
    ಆ ಸಮಯದಲ್ಲಿ ನನ್ನಲ್ಲಿ ಮೂಡಿದ ಭಾವನೆಗಳನ್ನ ಅಕ್ಷರದಲ್ಲಿ ಹಿಡಿಯೋ ಪ್ರಯತ್ನ ಮಾಡಿದ್ದೇನಷ್ಟೇ.
    ಹಿಡಿತಕ್ಕೆ ಸಿಗಲೊಪ್ಪದ ಭಾವನೆಗಳು ಅನೇಕ ಹಾಗೇ ಉಳಿದುಬಿಟ್ಟಿವೆ. ಹಾಗಾಗಿಯೇ ಅವು ನನಗೆ ಮತ್ತೂ ಇಷ್ಟ :)

    ReplyDelete